جزيرة الاناكوندا للكاتبه شيماء صبحى

مش عارفه اعمل ايه في غبائي
قومت لبست وجهزت وبعدما خلصت لقيت مكالمه منو بيعرفني انو وصل
فضلت ادعي اني متعرضش لاي موقف تاني علشان مفقدش وعيي ولسا بفتح الباب لقيت علي في وشي روحت قفله الباب في وشه وبعدما استوعبت فتحت الباب تاني وفضلت اعتزرله وقولت اني مش مركزه لاني لسه صاحيه وهوا بصراحه قمه في الادب والاحترام و بصراحه اتحرجت وسالته انت رايح فين
علي رايح المستشفي النهارده اول يوم ليا هناك وانتي رايحه فين
اتوترت وبعدها قولت انا رايحه الشغل بس لو
انت مستعجل انزل انا لسا في حجات هعملها
علي لا خالص انا اصلا صاحي بدري دنا حتي كنت نازل علشان اشوف البلد وكدا
قولت وانا برفع عيني وحاجبي اها وقومت ضحكت بعدما حسيت اني خلاص مش هعرف اتصرف لحد ما فجاه روحت جريت علي السلم وانا بقوله شويه وانزل ورايا علشان محدش يشوفنا
ضحك علي حركتي وانا وقتها نزلت بأقصي سرعه لحدما وصلت لعربيه رشيد واول ما ركبت روحت قايله امشي بسرعه
رشيد پصدمة أفندم
قولت باستيعاب اقصد يلا علشان منتاخرش
بصلي بتفهم وهز راسه وانا
حمدت ربنا ان الموضوع عدي وبعدها هوا اتحرك واحنا ماشين ببص في المرايه بتاع العربيه لقيت علي نزل وعمالي يدور عليا حطيت ايدي علي وشي وانا ھموت واصړخ من الي عملتوا في نفسي لحدما رشيد لاحظ الي بعملوا وقال هو انتي كويسه
قولت ايوا يا فندم انا بخير
قال بضيق مظنش اصلك مش علي
بعضك من اول مركبتي العربيه
ضحكت وانا بتوه الموضوع لحد ماهوا نساه
وفضلنا طول الطريق انا ماسكه الايباد وبظبط الشغل وهوا سايق لحد ما كنا وصلنا الفرع التاني للشركة
اول ما خرجنا من العربيه كان في موظفين كتير واقفين يستقبلونا لحد ما دخلنا وكان الكل بيبص علي رشيد ومبهورين بيه وانا مكنتش مركزه معاهم لاني كنت بفكر هعمل ايه في الورطه الي انا فيها
وفي الاجتماع كان الناس الي موجوده بيعرضوا افكارهم علي رشيد وانا كنت بسجل الكلام الي بيقولوه لحد ما رشيد طلب مني الملفات الي كنت بحضرها وقتها مكنتش مركزه معاه لحد ما وقف وقرب مني وهوا بيقول بقول هاتي الملفات
اتحرجت جدا وروحت طلعتها من الشنطه بتاعتي وادتهالو وكنت مركزه معاه جدا لحد ما الاجتماع خلص وكان الوقت اتاخر شويه فقال هنروح نقابل عميل في مطعم وهنتغدي هناك
هزيت راسي وانا مبسوطه لاني مكنتش فطرت وجعانه
وكان هوا طول الطريق عمال يبصلي وانا بضحك بالعافيه لاني متوتره لحد ما وصلنا للمطعم وكان مطعم فخم جدا كنت اول مره اشوف حاجه كلاس كدا في حياتي دخلنا وانا مبهوره بالديكور وكان المطعم عاجبني جدا لحد ما رشيد قالي امسك في ايده وانا اتورت وفي الاول رفضت لحد ما بصلي پغضب وروحت ماسكه في ايديه بسرعه وقربنا من الشخص دا والي كان باين عليه ثري من شكله قعدنا وبدأ هوا ورشيد يتكلموا وانا ماسكه المنيو وبختار أكل فضل العميل يبصلي ويضحك ورشيد كان بيبصلي پغضب لحد ما حسيت برجله بتخبط فيا فرفعت عيني ابصله وانا بحرك دماغي بمعني فيه ايه لحد ما لاحظت نظرات العميل دا ليا فروحت سايبه المنيو وماسكه الايباد ومركزه معاهم لحد ما خلصوا كلام والعميل قال نطلب اكل
رشيد بصلي وانا ابتسمت ولاكنه قال لا علشان عندنا شغل كتير ولازم نمشي
بصيت عليه پصدمه وانا عايزه اصړخ من الجوع لحدما هوا وقف وانا قومت ڠصب عني وانا زعلانه لحد ما خرجنا وانا
قولت انت قولتلي اننا هناكل انا جعانه !
بصلي وكانه بيراضي طفله وقال هناكل بس مش هنا
قولت باستغراب أومال فين
قال هنروح مكان تاني
بصيتلوا وقولت بس المكان هنا حلو
عيني اتحولت للون الاحمر ولقيتو بيقول أنا قولت هنروح مكان تاني واتفضلي اركبي يلا وعلي فكره انا ليا حسابي معاكي لما نرجع الشركه علشان التوهان الي كنتي فيه
بصيتلو پخوف وبعدها هزيت راسي وركبت العربيه وهوا دخل وكان متضايق لحدما وصلنا للمطعم وكان مطعم هادي مش زي التاني انا طبعا مركزتش اوي كان كل همي اني أكل لأني جعانة
نزلت ومشيت جمبه ولقيت ان الناس الي في المكان بترحب بيه جامد كأنه زبون المكان
دخلنا وقعدنا في ركن هادي كان بيطل علي النيل وبصراحه دا من اجمل ما عيني رأت
رشيد بصلي بتركيز وانا ابتسمت وبعدها مسكت المنيو اختار فلقيتو شده من ايدي وقال أنا هختارلك حاجه علي زوقي
هزيت راسي وهوا طلب وعايزه اقول اني طبعا مفهمتش هو قال ايه للويتر
بس اهم حاجه اني هأكل
واحنا قعدين تلفوني رن برقم غريب
رشيد انتبه للصوت وبصلي وانا رديت بسرعه وكان المتصل علي
علي انا نزلت ملقتكيش انتي كويسه
ضحكت وانا بقول ايوا معلش اتأخرت عليكي لان كان عندي شغل ضروري
علي بإستغراب عليكي مين يا حور انا علي الي بكلمك
قولت وكأني مستغربه أه بجد والله طيب ماشي عموما لينا كلام تاني مع بعض المهم أنا هقفل دلوقت علشان عندي شغل
وبعدين قفلت
وببصله لقيتوا مركز اوي معايا وبعدين انا قولت دي صحبتي بتطمن عليا
رجع يبص في تلفونه بتجاهل وانا حمدت ربنا ان الموضوع عدي علي خير
وبعدين الأكل نزل
كان شكله غريب اوي
رشيد بدأ ياكل وكان مستمتع بالأكل وانا
كنت ببص عليه باستغراب لحد ما اخد بالو اني مش باكل فسالني
مبتاكليش ليه
قولت برفض انا مش عارفه دا ايه وبعدين شكله غريب
قال دوقيه هيعجبك دا اكل صيني بس طعمه حلو
قولت پصدمة صيني
قال وهوا بياكل ايوا جربيه يلا !
مسكت الشوكه لاني مش هعرف استخدم العصيان دي وبدات ادوق الاكل بس طعمه معجبنيش خالص وقولت وانا بمسح بوقي يع اي دا دا طعمه وحش اوي
بصلي پصدمه وقال انتي اول مره تأكلي اكل صيني
قولت وهتكون اخر مره ايه الي حضرتك مأكلهولي دا انا جعانه وعايزه اكل
لقيته ساب الاكل الي بياكلو وقالي باهتمام وانتي بقا عايزه تأكلي ايه
قولت ببساطه كنت هاكل اي حاجه كريب او شاورما اكل تقليدي يعني مش البتاع دا
ضحك علي كلامي ووقف وقال طيب قومي
قومت وانا بقول يووه بق شكلي مش هاكل
النهارده
راح يحاسب وانا كنت واقفه لحد ما جه اخدني
وخرجنا من المطعم ولقيتوا قال في مكان معين بتحبي تاكلي من عنده
هزيت راسي وقولت طبعا قالي طيب تعالي نروح
ضحكت وانا بقول دا بجد يعني حضرتك هتاكل من هناك
قال وهوا مستغرب ايوا وايه المشكله
ابتسمت وبعدها رفعت حاجبي وقلت لا ولا حاجه يلا بينا
ركبنا العربيه وبعدها روحنا لمكان مليان مطاعم بس مش فخمه يعني مطاعم عاديه وبعدها جبت كريب وشاورما وبعدها رجعنا للعربيه وبدانا ناكل وانا بصاله لحد ما لقيت وشه قلب وبيقول ايه الي انا اكلته دا
قولت پصدمه يالهوي انت أكلت التوميه كلها
قال بطني مش قادر
بصيت پصدمه يانهار اسود طيب يلا نروح اي مستشفي
بصلي بتعب لا مش قادر اسوق
بصيت حواليا لقيت ان في مستشفي بس بعديه حجات بسيطه قولت وانا خاېفه عليه مستر رشيد احنا ممكن نمشي شويه صغيرين في مستشفي قريبه من هنا
قال بتعب تمام انزلي يلا
نزلت ولفيت علشان اسانده وفضلنا نمشي لحدما قربنا للمستشفي وكان عمال يتألم وانا بصراحه مكنتش متوقعه انو ياكل الكميه دي وانو ياكل كل التوميه
لحد ما وصلنا للمستشفي ودخلنا وانا بقول لو سمحت دكتور هنا بسرعه
الممرضين قربوا علينا ولانه كان تعبان حطوه علي ترولي وفي واحده قالت اندهي علي الدكتور الجديد بسرعه لان كله مشغول
جريت الممرضه التانيه وبعد ثواني جت وكان جمبها علي وانا اول ما شوفته قولت پصدمه علي
علي اټصدم وقرب مني وهوا بيقول حور انتي بتعملي ايه هنا
الممرضه المړيض بطنه بتوجعه شكلوا اكل حاجه مسممه بصيت لعلي والي بص علي رشيد وقال طيب دخلوه علي العمليات بسرعه
وفي لحظة كان رشيد في العمليات بيعمل غسيل معده يتبع
عايزه اعرف رأيكم طبعا في التعليقات
الكاتبةشيماءصبحي
فصل هديه لمتابعيني
الفصلالثانيعشر
جزيرةالأناكوندا
الكاتبةشيماءصبحي
عدي وقت وانا واقفه قلقانه علي رشيد وفي نفس الوقت بفكر هقول ايه لعلي لحد ما الباب بتاع غرفه العمليات اتفتح وخرج علي ووراه الممرضين وكان رشيد علي الترولي وكان نايم
وبعدها أنا قربت من علي وقولت بقلق هو عامل ايه طمني!!
علي بإستغراب من خۏفي دا وقالعملناله غسيل معده ودلوقت هوا بخير
قولت براحة الحمدلله
علي باستغراب هو مين دا يا حور
بصيت لعلي وانا بجمع الكلام علشان أقوله
وهوا فضل باصصلي ومستني ردي
فقولت دا مستر رشيد صاحب الشركة الي بشتغل فيها
علي هز راسه وقال ايوا تمام وليه بق محدش من الشركه معاه ليه كنتي لوحدك
رفعت حاجبي وقولت علشان انا وهوا كنا بناكل في مطعم وو
لاحظت ان علي وشه أحمر وبعدها قولت كنا في ميتنج خاص بالشغل ومعانا عميل بس هوا مشي قبلنا وبعدها مستر رشيد تعب وجبته هنا
علي هز راسه بعدم اقتناع وبعدها الممرضه قربت مننا وقالت دكتور علي في حالة طوارئ في الاستقبال محتاجينك تحت
بصلي وقال انا همشي دلوقت بس لينا كلام تاني مع بعض
هزيت راسي وبعدها بصيت للمرضة الي قالتلي ان رشيد فاق
بسرعه روحت علي الغرفه الي فيها ولقيته وشه أصفر وشكله صعب عليا قربت عليه وأنا بقول مستر رشيد حضرتك كويس
بصلي بصة طويله حسيته هيقوم يجري ورايا بس رد أنا كويس الحمدلله
بيقولها وهوا باصصلي بشړ كدا
ابتسمت وانا بقول تصدق اني قلقت عليك
ضحك علي كلامي وبعدها قام وانا قربت عليه اسنده وبعدها اديتله العصير الي الممرضة ادتهولي علشان يشربه وبعدما شربه خرجنا من المستشفي وفضلنا نمشي لحد ما وصلنا للعربيه وفي الوقت دا ركبته في العربيه وروحت أنا أسوق
رشيد مركزش أوي معايا وكان مركز في تعبه
وانا شغلت العربيه زي ما كنت بشوفه بيعمل وبدأت أتحرك وأنا بقلده في الحركات الي بيعملها لحد ما طلعنا علي الطريق العام وفجاه لقيت العربيه بتسرع مره وحده قولت پصدمه هيا بتبطئ ازاي
رشيد فاق وقال پصدمة إييييييه
قولت پخوف بقولك عايزه أهدي السرعه!
رشيد پخوف حور هو انتي بتعرفي تسوقي
قولت برفض لأ!!
قرب مني وبدأ يوقف العربيه وهوا مش مستوعب الي انا بعمله والحمدلله وقفت وبعدها بصلي وقال انتي عايزه مني ايه قولي !!
قولت پخوف انا لقيتك تعبان مش هتقدر تسوق فحبيت أساعدك
رشيد قال بنفاذ صبر انا مطلبتش منك مساعده حرام عليكي كنتي اسكتي احسن
كمل كلامه هاتي موبايلي الي عندك دا
اديته الموبايل وبعدها هو اتصل بالمساعدين بتوعه وبلغهم عنوانه وفي خلال دقايق كانو وصلوا بصلي بتعب وقال إنزلي
بصيت بقلق وبعدها نزلت وانا متوتره وفي نفس الوقت خاېفة منه
لحد ما قرب
منه رجالته وشالوه من العربيه وحطوه في عربيه تانيه
كانت أكبر وفضلت انا وافقه لحد ما لقيت واحد منهم بيقرب مني وبيقول اتفضلي يا أنسه رشيد بيه منتظرك في