رواية تسميته يوسف كاملة جميع الاجزاء الشيقة بقلم شهد محمد
عشان كدا بتتخيل ان هي
انا معاكي معرفتكيش من ريحة برفانك ولا من عينك ولا من صوتك اللي عرفتي تغيريه لاكن احساسي بيكي مكدبش لما شيلتك بين إيدي حسيت إن انتي
وكنتي عايشه في اوضه واحده مع جحشين بتاكلي من اكلهم وبتتعاملي معاهم وياعالم اتكلمو في أي ولا اتصرفو ازاي قدامك
ولا المهمات اللي طلعناها لو حاجه حصلتلك مكنتش هسامح نفسي كنت باخدك للخطړ ب إيدي
حظك حلو لو كان حظك وحش يا عالم كان حصلك اي لاكن اني متسرعه وهبله وشغلك اهم حاجه في حياتك مقال عن صوت شخير الراجل أثناء نومه مقال عن عد
اهتمام الزوج ب زوجته مقال عن الراجل الخاېن ليه مفكرتيش تكتبي مقال عن الزوجه الانانيه ليه مكتبتيش مقال عن الزوجه اللي بتحرم جوزها من الخلفه عشان شغلها ليه شايفه عيوبي ومش شايفه عيوبك
انا تعبت من برود
قالها ورزع إيده مره تانيه في إزاز العربيه والمرادي إيده اتعورت
عيطت وتقريبا فهمت ان اللي انا عملته غلط كبير تقريبآ يعني!
قطعت حته من الشيميز اللي كنت لابساه ومسحت بيها إيده وربطها
بص ليا واتنهد وبدأ يسوق في صمت وبعد شويه من الصمت اتكلم وقال
اللي في وشك ده
كان قصده على الشنب والدقن شيلتهم حطيتهم في الشنطه وفضلت ساكته بص ليا وقال
وده شعرك ولا بروكه
شعري
قصتيه!
امم
متهوره ومجنونه
امم
وطبعآ سلمى ساعدتك
لاء سلمى مالهاش دخل ب الموضوع
لاء ليها عشان كلمتها سألتها عليكي من يومين وقالت إنها كانت لسه معاكي وانها طالعه بيتها تجيب هدوم ليها عشان رايحه تبات معاكي يومين
انتي وصحبك الأصيل ده هتتروقو لو حد عرف ب عاملتكم كويس ان انا اللي كشفتك مش حد تاني
امم
حد دايقاك هناك
يوسف انا كنت ياسين زميلهم اكيد مكانوش هيعملو حاجه يعني
اه ياختي كنتي ياسين زميلهم ويا استاذ ياسين بقا المهمتين اللي نجحو دول نجحو كفته ولا مهجود شخصي من حضرتك
كفته طبعآ اول مهمه انا قولتلو على كل حاجه من قبل ما يبقا فيه قلم اصلآ بس الولد الصغنن هو اللي ضربه ب جهاز الكهربا ووقع
الراجل العجوز ده شبه عم مبارك بتاع الطعمية كان صعبان عليا وخدته خبيتو معايا
مبارك بتاع الطعميه اه
قالها وفضل ساكت وهو مكمل سواقه بصيت ليه وانا بقول
يوسف هو انت هتسيبني اتحبس
اكيد لاء هشوفلها حل
قالها وهو مكمل سواقه ورجعنا للصمت ده تاني رجعت اتكلمت وقولت
يوسف هو انت بطلت تحبني
بص ليا واتنهد وقال
لاء
امال طلقتني ليه
اه
امم هو انتي قرأتي ورقة الطلاق
ليه
لاء ولا حاجه يا روز ولا حاجه
بعد شويه كنا وصلنا قدام بيتي وقف ب العربيه وقال
حضرتك الاسبوع ده يعدي وترجعي عشان ميبعتوش يسألو عليكي ويعرفو انك بنت ويحصل مشاكل وانا هحلها
طيب
قولتها وسيبته ونزلت طلعت البيت وزاي كل مره لقيت بابا وماما پيتخانقو
تعالي شوفي يا روز امك اللي بتلبس هدومي
وفيها اي يعني الشيميز عجبني يمشي حريمي ورجالي
انتي هتجننيني انا هتجنن منك اقلعي الشيميز بقولك
مش قالعه
سيبتهم ودخلت اوضتي وقفلت الباب ورايا وانا بنفخ على توم وجيري اللي عايشه معاهم في البيت
خدت هدوم ليا ودخلت خدت شاور بصيت لنفسي في المرايا ملامحي باظت من الشمس وقلت الاسكين كير وشعري اللي قصيته بطريقه عشوائيه وباظ!
لبست عبايه سوده ولبست شبشب ماما ونزلت ل كوافير اخر العنقود على اول شارعنا عملت تنضيف بشره وعملت شعري قصه اسمها كت بوي بقا شكلي حلو شويه
رجعت تاني البيت والحمدلله بابا وماما خلصو خڼاقه على الشيميز ودلوقتي پيتخانقو مين يقطع البصل سيبتهم ودخلت اوضتي كنت هنام بس افتكرت يوسف وورقة الطلاق
قومت بسرعه فتحت الدولاب وطلعت الورقه عشان اشوفها ولما فتحتها لقيت مكتوب فيها
انا عارف انك بتقولي كلام انتي مش فاهمه معناه وعارف أن وقت عصبيتك انتي مش مدركه انتي بتقولي اي بس انا بحبك وعمري ما حبيت غيرك ومعندناش رجاله بتطلق حريمها لما ربنا يهديكي عليا ارجعي بيتك يا حبيبت عيني
جريت جبت احلى فستان عندي كان فستان نبيتي فيه لحد الركبه ووقفت قدام المرايا حطيت روج نبيتي وايلاينر وكحل وخدت شنطت هدومي وخرجت وانا بقولهم
انا راجعه بيت جوزي
رد بابا وقال
طب بذمتك يا روز عمرك خليتي جوزك يقطع بصل
ردت ماما وقالت
اه الظابط بيقطع بصل وبيحط ل بنتك مناكير كمان وانت يا حتت موظف لا روحت ولا جيت مش عايز تقطع البصل
سيبتهم ونزلت مفيش فايده فيهم وخدت تاكسي واتجهت ل بيتي اللي مش هسيبو تاني أبدآ بعد شويه كنت وصلت
حاسبت التاكسي وطلعت البيت وانا مش عارفه ابدأ ازاي ولا منين رنيت الجرز
وانتظرت شويه وفتح الباب
بص ليا بأستغراب وانا فضلت ساكته مش عارفه اتكلم اقول اي وعشان مالقتش كلام
انا قريت ورقة الطلاق
ابتسم وخد الشنطه ډخلها ودخلني وقفل الباب وبص ليا وقال
قراتيها متأخر اوي يا روز
حقك عليا
زعلان مني
مقدرش انا وصلت ل مرحله اكبر من الحب بكتير مش بعرف ازعل منك مش بعرف ابعد عنك مش عارف اعمل مع قلبي ده بقا
وحشتني اوي على فكره
حقك عليا في كل مره بتيجي من الشغل فيها تعبان وانا مكنتش بقدر ده
حقك عليا انا اسفه
باس راسي وقال
مش زعلان يا حبيبتي ودلوقتي قومي ننام عشان مش قارد وبكرا لينا عتاب على اللي حصل منك بسبب شغلك الي مجننك ده
طيب مش جعان اقف اعملك صنية بطاطس في الفورن ب الفراخ
ده يبقا كتر خيرك اوي
عنيا
تسلم عيونك يا جميل
دخلت غيرت هدومي ووقفت في المطبخ عشان اعمل الاكل دخل ورايا وهو بيقول
بعد ما قريتي الورقه جريتي على الكوافير عشان
ترجعي قبل ما ترجعي صح
على فكره قريت الورقه بعد ما رجعت والله
امم عمومآ كنت مدايق منك بسبب شعرك بس كدا شكلك احلى
ابتسمت وكملت الاكل بعدين قولت
يوسف هو كلمة انتي طالق دي تتحسب طلاق
اكيد بتتحسب
طب مانت كدا طلقتني
مانا رديتك ومش شرط تكوني عارفه او حضرتي مادام كنا لسه في شهور العده وامك وابوكي عندهم علم على فكره
امم وردتني امتا بقا
تاني يوم
ابتسمت وكملت عمل الاكل افتكرت ماما وبابا وهما پيتخانقو على مين يقطع البصل بصيت ل يوسف وقولت
حبيبي ممكن تقطع البصل عشان خاېفه يوجع عيني
ياسلام عنيا يا قلب حبيبك
قالها وباس راسي ابتسمت على ماما وهي بتقول ل بابا يوسف بيقطع البصل وبيحط مناكير ل روز كمان!
خلصت الاكل وقعدنا ناكل ودخلنا ننام وجيه تاني يوم الصبح اتعاتبنا على چنوني وعمايلي المهم انه مسامحني مستنين الفرصه المناسبه بس عشان اخرج من اللي دخلت نفسي فيه من غير ما حد يعرف
والمقال بتاعي كتبته واتقبل وبقا ترند اول وبعد ما قدمته سيبت الشغل عشان انا اختارت يوسف عشان يوسف يستاهل عمري كله يكون عشانه وعشان عيالنا
روحت البيت وانا بقولو
انا اختارتك انت
مش فاهم
سيبت شغلي واختارت اكون ليك انت
ابتسم وهو بيقول
يعني كدا موافقه اننا نخلف صح
صح طبعآ
طب يلا نروح نجيب يوسف الصغير
قالها وشالني ودخلنا الاوضه و
سكتت شهرزاد عن الكلام الغير مباح
عدا الاسبوع الاجازه وكان المفروض هنرجع المعسكر
انهارده لبست الينيفورم انا ويوسف وكنت واقفه قدام المرايا بركب الدقن والشنب وهو جنبي بص ليا
وقال
يوسف اتلم اي ياض دي
مش هخلص منك
لاء هتخلصي بعدين حطي اي حاجه تداري لون شفايفك مفيش راجل في الدنيا شفايفو بينك
طيب
كملت تركيب الشنب وحطيت على شفايفي كنتور وكنت جهزت ونزلت انا ويوسف سوا
كنا مستنين العربيه بتاعت المعسكر هي اللي هتيجي تاخدنا اتكلم وقال
ياريت معاملتك تبقا بحدود يا هانم عشان مكسرش عضم وشك
حاضر
وانا هخليهم ينقلوكي من اوضة حسن وحسين ل اوضه لوحدك
تمام
كانت العربيه جت ركبنا العربيه وعدينا على محمد زميلنا وحسن وحسين العربيه عدت على الفرقه كلها وواحنا متجهين للمعسكر يوسف جالو تيلفون قفل التيلفون وقال
لف وارجع هنروح الزمالك ملجأ الاماني بسرعه
بصيت ليه پخوف وقولت بصوتي الخشن
هو في اي ياباشا
واحد كلمني من رجالة هيليام بيقولو لو مرجعتش هيليام في خلال ساعه هيقتلو امي وكل الأطفال اللي في الملجأ
ملحوظه حماتي اللي مامت يوسف تبقا صاحبة الملجأ ده
اتكلم احمد وقال
طب واحنا رايحين الملجأ ليه ياباشا ما اكيد خطڤوهم على مكان يخصهم
لاء كلهم هناك الجي بي اس بيقول كدا
خير ياباشا خير
بعد شويه كنا وصلنا يوسف قسمنا ل كذا جزء وقالي انا مروحش في حته قالي استخبى وطبعآ مسمعتش الكلام
دقايق وكنت سمعت ضړب ڼار عشان شافو واحد من رجالة هيليام ضړب الڼار كان بيزيد فيه اللي بيلحق الأطفال واللي بيضرب في رجالة هيليام
انا كنت بدور على حماتي فتحت كذا باب اوضه لحد ما فتحت واحده فيهم لقيت يوسف مع مامته بيفكها جريت عليها وانا بقول
انتي كويسه يا ماما
ردت بأستغراب وقالت
كويسه بس مين
دخل علينا واحد وهو معاه السلاح وفي لحظه طلعت سلاحي انا وضړبت عليه ڼار وم١ت!
يوسف ابتسم وهو بيقول
اخيرآ اتعلمتي
كنا هنخرج بس رجع قفل الباب والشبابيك وقال
روز اقلعي
بصيت ليه بصدممه وانا بقول
عيب يا يوسف هو ده وقته
عيب اي يابت يا عبيطه ووقته اي انتي فهمتي اي
كنت لسه هرد لاكن بص ل مامته وهو بيقول
مفيش اي لبس حريمي هنا يا أمي
فيه إسدال صلاه في شنطتي
هاتي بسرعه
خد منها الاسدال ادهولي لبسته وخد مني الينيفورم لبسو للشاب اللي انا ضړبت عليه ڼار وخبى ملامح وشه ب الډم وانا خبى ملامح وشي ب تراب عشان محدش ياخد باله ب الشبه
ونزلنا كلنا كان الرجاله كلها اتقبض عليهم يوسف اتكلم وقال
امي والسكرتيره والأطفال بخير الحمدلله بس للأسف ياسين اسټشهد
كلهم زعلو حسن عيط كنت مبسوطه من حبهم ل ياسين الشخصيه الخياليه اللي هي انا
وموضوع ياسين الحسيني عدا الحمدلله وخلاص مش هتجنن تاني وعد
ونسيت اقولكم اننا جبنا ميني يوسف انا احمل واشيلو في بطني ٩ شهور وفي الاخر يجي شبه ابوه
وتوته توته وخلصت الحدوته حلوه ولا ملتوته
تمت
لو لقيت تفاعل حلو هنزل البارت الاول من الحدوته الجديده بعد ساعهقولو رايكم حلوه ولا ملتوته
شهد محمد
حكاوي يوسف وروز
اسميته يوسف
